របៀបធ្វើ នំដំឡូងដុត

របៀបធ្វើ នំដំឡូងដុត
-----------
#គ្រឿងផ្សំ

- ដំឡូងឈើ ១គីឡូក្រាម 
- ស្ករស មួយកំប៉ុង
- ខ្ទិះដូង មួយកំប៉ុង
- អំបិល ចុងស្លាបព្រាកាហ្វេ
- ទឹក កន្លះកំប៉ុង
- ពងមាន់១

#វិធីធ្វើ

១- យកដំឡូងចិតសំបកចេញ ហើយ ឈូសជាសរសៃល្អិតៗ
២- ចាក់ស្ករ អំបិល ខ្ទិះដូង និង ទឹក លាយចូលគ្នាជាមួយដំឡូង អោយសព្វ
៣- យកថាសដុត លាបប្រេង អោយរលោងបាត ទើបចាក់ដំឡូងចូល។
៤- កំដៅឡចង្រ្កាន អោយក្តៅ កម្រិត ៣៧៥អង្សា ហ្វារិនហៃ ឬ ១៩០អង្សាសេ
៥- ដាក់ថាសដំឡូង ដុតចំនួន ៧០នាទី។
៦- យកជក់ជ្រលក់ពងមាន់ ទៅលាបពីលើ ផ្ទៃដំឡូងក្នុងថាសដុត ដើម្បីអោយរលោង។
៧- បន្ថយភ្លើងដុត អោយនៅត្រឹម ៣០០អង្សាហ្វារិនហៃ ឬ ១៥០អង្សាសេ។
៨- ដុតចោល ប្រហែល១៥នាទីថែមទៀត ដើម្បី អោយក្រៀមមុខលើ ឡើងពណ៌ក្រហមស្រស់។
៩- កាត់ដុំៗ ទទួលទាន នៅពេលនំត្រជាក់។
១០- ចំពោះអ្នកដែលពុំមានឡដុត អាចដាក់ថាសមូលចំហុយអោយឆ្អិន សឹមលើកយកចេញ ដាក់បន្ទះសង្កសីគ្របពីលើ ដាក់ធ្យូងដុត អោយក្រហមមុខលើ ទើបលាបពងមាន់ ហើយដុតអោយស្ងួតមុខលើ ទើបយកចេញទៅបរិភោគ។
១១- បើគ្មានឆ្នាំងចំហុយទេ សូមយកដំឡូងលាយខ្ទិះ ទៅកូរអោយឆ្អិន នៅលើភ្លើងក្តៅល្មម កុំអោយខ្លោចបាត រួចសឹមចាក់លើថាស គ្របសង្កសី ដុតធ្យូងពីលើ ដើម្បីអោយក្រហមមុខលើ បន្ទាប់មក លាបពងមាន់ ហើយដាក់ដុតអោយស្ងួតមុខលើ ទើបយកបរិភោគ។
១១- បើចង់អោយកាន់តែឈ្ងុយ សូមយកអប់ក្លិនផ្សែងក្រមួនសុទ្ធ។